連姐獲「翻熱牌」開檔 魚蛋燒賣今重見天日
被投訴無食物牌照，被迫暫停提供熱食兩個月後，經營茶水亭的連姐（蓮姐），昨日終獲得食環署發出「食物製造廠牌照」，即翻熱食物的牌照，其招牌食品魚蛋、燒賣得以重見天日。
今晨6時許，返回茶水亭開檔的連姐心情勁靚，笑容燦爛多謝一直以來支持她的跑友、山友、車友及郊遊人士，「我好多謝政府相關部門，多謝傳媒，多謝王生，多謝陳淑莊，佢哋幫我跟進事件，支持我，畀正能量我！」她口中的王生，是與她甚老友的康宏金融集團主席王利民，王昨率先在fb出po，與拿著牌照的連姐合照，而令事件曝光。
她說由於未有自來水，現時用蒸餾水頂當，「好彩我有好多人贊助，有時大會用剩，5加侖大桶蒸餾水，唔要好嘥，佢哋又冇地方，所以送咗畀我。」正好用來加熱小食。
她還記得年前大帽山結霜，正值有比賽，很多人一度被困山上，當時排隊幫襯她的人龍要「打蛇餅」，天光排到天黑，她兩日兩夜「冇瞓覺」，只為出於真心幫人。她說常有人問她怎麼不加價，「唔加啦，唔係賺幾多錢才開心，幾十年都唔加價，最緊要係要幫到人，我就最開心，自己有福氣，好感恩，感謝上帝！」
她自言「雖然現在唔係賣到好多嘢．但基本嘢可以解決到，同以前賣嘅一樣，行山嘅食唔到好多嘢，食下魚蛋燒賣，冬天又可暖暖地，其實好簡單，已可滿足行山友，多謝佢哋一直以來咁支持我。」
大帽山茶水亭於80年代啟用，連姐於1995年接手經營，行山人士或單車友到茶水亭「打卡」更成為指定動作，就連周潤發也是該小食亭的常客。
http://hk.apple.nextmedia.com/realtime/breaking/20170803/57035320
